L’Art. 12 del Regolamento Europeo 2016/679 prevede che le informazioni sul trattamento dei dati personali vengano presentate agli interessati “in forma concisa, trasparente, intelligibile e facilmente accessibile, con un linguaggio semplice e chiaro”.

Essendo La Baruffa Veneta un gioco regionale, abbiamo pensato di tradurla in Lingua Veneta.

La Lingua Veneta è una lingua europea originata nella Venetia storica e parlata da 8 milioni di persone. È catalogata dall’ISO (codice lingua: VEC) e riconosciuta dall’UNESCO. La legge 8/2007 della Regione Veneto l’ha riconosciuta come patrimonio linguistico-culturale. Alcune sue varietà sono parlate nell’Istria slovena e croata e in Messico. Nel novembre 2014 il Brasile ha riconosciuto il veneto-brasiliano (o «Talian») come patrimonio culturale-immateriale.

Ecco di seguito la Informadiva privacy in łengua veneta de la Baruffa Veneta, tradotta dal prof. Alessandro Mocellin de la Academia de ła Bona Creansa e l’Academia de ła Łengua Veneta ®. Par publegasion, łibri, corsi, resorse online e un profiło conpleto e azornà so ła Łengua Veneta, varda el sito: https://www.academiabonacreansa.eu/

Se vuoi tornare alla lingua italiana, clicca sulla nostra bandiera qui di seguito.

Se te si drio łèzar ’sto documento, A ze parché te si intrà so’l nostro Sito o so łe nostre Pàzine Social o parché te ghè cronpà un nostro Prodoto o partesipà a un de i nostri Eventi.

Nialtri semo La Baruffa Veneta S.r.l. (“LBV” o “nialtri” ), Titołar de’l Tratamento stabiłìo in provinsia de Verona, e ’sto documento el te juta a capir che dati che rancuremo, parché e come che te połi ezersitar i to deriti.

Par réndar sénplise e ciara ła łetura, A gavemo metesto rento ezenpi e creà Definision co łétare inisiałe majùscoła che łe remanda a spiegasion piasè detajàe che te cati in fondo a ’sto documento. Se te ghè calche dubio, te połi scrìvarne co te vołi a privacy@labaruffaveneta.it

Nialtri rancuremo dati da’l nostro Sito, da łe nostre Pàzine Social, durante el cronpar de un nostro Prodoto e durante i nostri Eventi. I dati rancurài e i motivi parché łi doparemo i depende da cuała de ’ste situasion che ła se àplega a’l to cazo e da łe prefarense che te ne marchi diretamente o traverso de’l to Browser o Dispozidivo.

Co te vìziti el nostro Sito, nialtri rancuremo arcuante informasion so’l Browser e/o Dispozidivo che te si drio doparar. Tra de łore, A ghe ze l’Inderiso IP, ła data, l’ora e l’inderiso de ła pàzina che te si drio vizitar, i Identifegadori Unìvoghi e altre informasion cofà ła tipołozìa de Browser o Dispozidivo che da cazo a cazo i podarìa consìstar in sistema oparadivo, łengua e inpostasion de rede.

Parte de ’ste informasion ła vien rancurà par parmétarte de acédar so’l Sito; altre invese, traverso de Cookie e Altre tecnołozìe trasadore prezente a rento de’l to Browser o Dispozidivo. Te cati ła łista conpleta clicando cuà.

Se te ne contati traverso de’l Sito o de łe nostre Pàzine Social, nialtri rancuremo Dati Parsonałi cofà nome, conjome, inderiso e-mail e/o nùmaro de tełèfono e/o el to nome utente so i social e i dati che te ne vorè fornir par respóndar a łe to rechieste. Arcuanti de ’sti dati i podarìa èsar rancurà anca co te partèsipi a i nostri Eventi.

Se te desidi de cronpar i nostri Prodoti prezenti so’l Sito, te gavarè da fornirne arcuanti dati indepì cofà còdeze fiscałe, nùmaro de tełèfono, inderisi de spedision oltraché łe to note/prefarense (par dir: rechieste spesiałe de consenja, dati de contato altri inte’l cazo de consenja a to dełegài evc.). Arcuante de ’ste informasion łe podarìa èsarne fornìe, oltra che inte’l cronpar, anca durante łe interasion co’l nostro servisio clienti.

So’l momento de cronpar un Prodoto, te gavarè da métar rento i dati de pagamento. I dati de ła to carta de crèdito (nùmaro de ła carta, data de inisio, data de scadensa, còdeze de seguresa) o de’l to conto PayPal (e-mail e password) i vien rancurà in modo seguro diretamente da i zestori de i pagamenti e da ła to banca sensa mai transitar da i nostri server. A nialtri A ne riva soło che ła conferma de’l to pagamento.

Recorda che se te fornisi dati de sojeti tersi, te sarè stimà cofà responsàbiłe par ła sconpartisionn de ’ste informasion co nialtri, donca te ghè da segurarte de farlo conforme ła łeje (ez. parché ’sti tersi i te gà autorizà a sconpartir i só dati, o parché el ze nesesario par na razon inportante). So ’sto ponto, te conferisi ła pì anpia manleva respeto a onji contestasion, preteza, rechiesta de rezarsimento de’l dano da tratamento, evc. che ła gavese da rivarse da i diti tersi che i só Dati Parsonałi i sie stà da ti trazmetesti e donca tratài in viołasion de łe norme aplegàbiłe sora de ła tuteła de i dati parsonałi.

Nialtri rancuremo informasion so ła baze de łe to interasion co’l nostro Sito e Pàzine Social par védar se i nostri contenjudi i piaze, par poderli mejorar, oltraché par capir i Contenjudi che i podarìa èsarte ùtiłi. Par diro, se na zona de provinsia, un Prodoto o arcuanti Eventi i ze tra i pì seitài/resercài/clicài, A se consentraremo so ła promosion de ’sti contenjudi. ’Ste anàłeze łe vien fate prensipalmente co Informasion Agregàe ma anca traverso de Cookie o co i consensi a ła parsonałizasion de łe nostre comunegasion che te ne ghè confarìo. Te cati pì informasion so come ezersitar i to deriti e sielte inte ła sesion “Come che te połi controłar i to dati” pì soto.

In altri cazi, te podarisi èsar ti a vołer spontaneamente sconpartir co nialtri arcuanti contenjudi traverso de mandade, sconpartision, tag o hashtag so łe nostre Pàzine Social (ez. foto co nostri Prodoti, durante i Eventi evc.). Se el contenjudo el ze divartente, meritévołe e mìa ofensivo, A ło re-sconpartiremo so łe nostre Pàzine Social, se te si in acordo.

Co te acedi so’l Sito, nialtri rancuremo informasion aprosimadive so ła to pozision, che ła pol èsar detarminà inte un momento sucesivo traverso de l’inderiso de consenja de un Prodoto, o co ła convarsion de’l to Inderiso IP inte na pozision zeogràfega aprosimadiva (ez. Sità), che te pol desìdar de sconpartir o nò traverso de’l baner de’l to Browser o Dispozidivo. Te cati pì informasion so come azir so i dati rancurài traverso de Browser o Dispozidivo inte ła sesion “Come controłar i to dati” reportà pì de soto.

Par comodità de łetura, drioman A indegaremo cołetivamente tuti i Dati Parsonałi diti fin deso cofà “Dati” o co i titołeti (ez. “Informasion so ła to pozision”) reportài par sora.

I Dati i vien doparài par ’ste finałità dite drioman:

A doparemo i to Dati par respóndar a łe dimande/senjałasion che te ne trazmeti traverso de’l Sito, łe Pàzine Social o durante i Eventi (ez. so ła disponibiłità, dimension, costo de un Prodoto; so’l łogo de un Evento; so ła senjałasion de un eror so’l Sito o par suzerirne inisiadive inte na zona de provinsia).

’Sta finałità ła nase soło in prezensa de na to rechiesta/senjałasion e ła se baza so ła nesesità de respóndarte.

Se te ghè cronpà uno o pì Prodoti, nialtri doparemo i Dati de contato, rezistrasion e pagamento par ndarghe drio a tuti i òblighi e deriti derivanti da łe Condision Zenarałe. Rento A ghe stà i eventi da co te fè ła rezistrasion de i to dati inte i nostri sistemi, ła comunegasion de i dati a i spedisionieri, el rezo, el canbio fin a l’asistensa clienti post-véndita.

’Sto tratamento el se baza so l’ezecusion de un òbligo contratuałe o de mezure precontratuałe adotàe drio to rechiesta.

A doparemo i to Dati par poder adenpir a eventuałi òblighi normadivi e fiscałi a che semo sojeti, che i ze ła baze łegałe par ’sto tratamento.

A doparemo i to Dati par verifegar ła prezensa de anomałìe inte ła vertura de’l nostro Sito, de i cołigamenti metesti rento de cueło o inte’l cronpar e consenjar Prodoti (ez. cronpe fate in viołasion de łe Condision Zenarałe) o inte ła partesipasion a i nostri Eventi.

’Sto tratamento el se baza so ła nesesità de garantir ła prestasion de’l nostro Sito, oltra che a un nostro łezìtimo intarese a evitar diservisi.

A doparemo i to Dati, sora de tuto i Dati de interasion co’l nostro Sito e Pàzine Social, łe Informasion so ła to pozision e i Dati rancurài da Browser e/o Dispozidivo, par parsonałizar ła nostra comunegasion, i Prodoti, i Eventi, el Sito e łe Pàzine Social oltraché par mostrarte sol che i Contenjudi che i podarìa èsarte ùtiłi. Par ezenpio, se te si drio par cronpar un Prodoto e po’ te te ghè fermà, A podaremo recordàrteło fazéndote védar na nostra comunegasion; ancora, se te si da Bełun, no te mandaremo comunegasion par Eventi a Rovigo, fora che se i dati che gavemo rancurà so de ti no i ne fae crédar che te podarisi èsarghene intaresà.

I Contenjudi che i podarìa èsarte ùtiłi (ez. novi Prodoti o Eventi) i podarìa èsar vizìbiłi so siti difarenti da’l nostro (pa’l fato de èsar cargài so piataforme de Programmatic Advertising ma sol che inte ła mezura che ti te gapi autorizà a poderli cargar so ’ste piataforme) o durante ła to navigasion so i social media (ez. spasi de reclan, storie o post so łe Pàzine Social).

Ła parsonałizasion de łe nostre comunegasion e l’erogasion de Contenjudi che i podarìa èsarte ùtiłi da parte nostra łe podarà èsar pì o manco inprofondìe drio i consensi esprimesti, che te połi łibaramente desìdar de fornir o nò, traverso de:

• el banner Cookie inte ła to prima vìzita so’l nostro Sito, par cuel che’l revarda i Dati rancurài da Browser e/o Dispozidivo;
• i mòdułi de rancura dati so’l nostro Sito o prezentài durante i Eventi ndove che te dimandemo de esprìmar łe to prefarense;
• i banner proponesti da’l to Browser o Dispozidivo par abiłitar ła sconpartision de łe Informasion so ła to pozision.

Se te si contrario a łe atività descriveste inte ’sta sesion, co anca el resévar Contenjudi che i podarìa èsarte ùtiłi, te połi modifegar ti łe to prefarense cofà dito inte ła sesion “Come controłar i to Dati” reportà pì soto.

A doparemo i to Dati e Informasion Agregàe par mezurar el rendimento de ła nostra atività, co anca Prodoti, i Eventi, el Sito e łe Pàzine Social o par creàrghene de novi. ’Sto fato el pol darse par dir traverso de l’anàłize agregà de Dati de interasion co’l nostro Sito e Pàzine Social o durante i nostri Eventi.

Senpre salvo el consenso a ła parsonałizasion de łe nostre comunegasion, ’sta finałità ła se baza so’l nostro łezìtimo intarese a crear e mantènjar atività che łe sie ùtiłe par davero par i nostri utiłizadori.

A doparemo i Dati de contato che te ne fornisi par mandarte comunegasion so novi Prodoti o Eventi che creemo, so łe nostre inisiadive e/o par dimandarte de partesipar a i nostri sondazi de apresamento. Sol che in serti cazi, łe comunegasion łe podarìa contènjar promosion Prodoti o servizi de arcuanti partner sełesionài (sensa par cueło sconpartir co łori i to Dati). ’Ste comunegasion łe podarìa anca èsar parsonałizàe so i to gusti e costumanse, se te ghè dà consentimento par ła parsonałizasion de łe comunegasion, co anca i Contenjudi che i podarìa èsarte ùtiłi.

So ’sto ponto cuà, A vołemo segurarte che nja’ na comunegasion ła te venjarà mandà sensa el to preventivo e senpre revocàbiłe consenso, che te podarè fornirne traverso de’l mòduło de consenso spesìfego par ’sta finałità. Łe comunegasion łe te venjarà mandàe so l’inderiso e-mail che ne te ghè indegà, o so l’inderiso de spedision metesto rento in faze de cronpa. In nesun modo te contataremo par tełèfono, se nò par motivi łigài a ła spedision de un Prodoto o par l’asistensa clienti.

A podarìsimo gaver da doparar i to Dati a rento de łe nostre atività de rełevamento, prevension e reasion a conportamenti fraudołenti, iłèsiti o che i prezùdega ła seguresa de’l Sito e/o de ła nostre Pàzine Social. El podarìa capitar par ezenpio inte i cazi che te doparasi el Sito in modo desconpanjo da cueło consentìo o inte’l cazo de conportamenti mìa oportuni a i nostri Eventi o so łe Pàzine Social.

Anca ’sta finałità ła se baza so’l nostro łezìtimo intarese a tutełarne nialtri e i nostri utiłizadori, ti conprezo.

Tuti i dati rancurài par łe finałità dite sora i ze tratài in modo manuałe cofà anca traverso de strumenti ełetròneghi, a dir traverso de programi e/o algoritmi che i anałiza informasion cofà i Dati de interasion co’l nostro Sito e Pàzine Social, łe Informasion so ła to pozision e i Dati rancurài da Browser e/o Dispozidivo.

I to Dati i podarìa èsar sojeti anca a Conbinasion e/o Incrozamento. El ne permete de capir par ezenpio che inte’l cazo che el nostro Sito el venje vizità da Browser e da Disposidivo co’l steso Inderiso IP o Identifegadivi Unìvochi, el podarìa èsar un ùnjoło utente; o anca che un partesipante a i nostri Eventi o che’l ga dimandà informasion so i Prodoti el łi ga daspò cronpài o manco; o ancora de mandar comunegasion promosionałi o Contenjudi che i podarìa èsarte ùtiłi stretamente łigài co łe Informasion so ła to pozision o a i Dati de interasion co’l nostro Sito e Pàzine Social o ancora a i Dati rancurài da Browser e/o Dispozidivo. Ła Conbinasion e/o Incrozamento de to informasion ła ze na oparasion cołigà a łe finałità par che tratemo i to Dati (ez. parsonałizasion de łe comunegasion) che te połi inpisar o zmorsar cofà spiegà inte ła sesion “Come controłar i to Dati” reportà pì par soto.

A sconpartimo i to Dati co łe categorìe de sojeti (“Destinadari”) drioman:

• łe parsone da nialtri autorizàe: A se trata de i nostri dependenti e cołaboradori che i ga sotoscrivesto un acordo de reservadesa e règołe spesìfeghe par el tratamento de i to Dati;
• i nostri responsàbiłi de’l tratamento: A se trata de i sojeti esterni che ghe fidemo arcuante oparasion de tratamento. Par ezenpio, inte ’sta categorì A ghe sta anca i fornidori par ła seguresa de i nostri sistemi, consułenti, comersiałisti, łe piataforme tecnołòzeghe par ła conservasion de i Dati evc. Co onjun de ’sti sojeti, A gavemo sotoscrivesto un contrato par segurar che el tratamento de i to Dati el venje fato co mezure adeguàe e soło drio nostra istrusion;
• i spedisionieri e łe sosietà de pagamento: se te ghè cronpà un Prodoto, arcuanti de i Dati de contato, rezistrasion e pagamento i venjarà sconpartìi, rancurài da o trazmestesti a ’sti sojeti par poder confermar ła cronpa e poderla spedir so l’inderiso dito da ti. Pì in zenarałe, A podaremo sconpartir i to Dati co tersi autònomi Titołari de’l Tratamento sol che inte ła mezura che el sie nesesario par adenpir a na to rechiesta o ezecusion de un servisio;
• i aministradori de sistema: A se trata de dependenti nostri o de i nostri responsàbiłi de’l tratamento che ghe ze fidà ła zestion de i nostri sistemi informàteghi e che donca i ga poder acédar, modifegar, sospéndar e łimitar el tratamento de i to Dati. ’Sti sojeti i ze stài preventivamente sełesionài, adeguadamente formài e łe só atività łe ze traciàe da sistemi che da łori no i ze mìa modifegàbiłi cofà previsto inte i provedimenti de’l Garante par ła protesion de i dati parsonałi;
• łe forse de l’órdene o onji altra autorità che ła emane provedimenti obligadori par nialtri: el vien par ezenpio co gavemo da otenparar a un provedimento zudisiario, na łeze o co l’è nesesario par deféndarse in zudisio.

A ne piazarìa dirte che i to Dati ze conservài sol che in Vneto ma no ła ze mìa cusì: arcuanti de i Destinadari diti sora i ze o i ga i só sistemi informàteghi fora de l’Itałia e de l’Union Europèa. Nialtri A adotemo mezure par garantir che el tratamento de i Dati da parte de i Destinadari el sie conforme a łe łeze europèe e itałiane che ghe semo sojeti. Ndove che’l ze dimandà da ła normadiva UE so ła protesion de i dati, i trasferimenti de i to Dati a Destinadari fora de l’UE i ze sojeti a garansìe adeguàe (cofà łe reładive clàuzołe contratuałe tipo par i trasferimenti de dati intrà paezi UE e mìa UE) , e/o altre baze łegałe drio ła łejizlasion aplegàbiłe. Se te vołi gaver pì informasion sora de łe mezure che gavemo inplementà in rełasion a i Dati che i vien trasferìi a paezi tersi, te połi scrìvarne a privacy@labaruffaveneta.it.

I Dati tratài par łe finałità dite sora i sarà conservài par el tenpo stretamente nesesario a vantar chełe stese finałità o fin a ła rèvoca de’l to consenso, se ła ze ’sta cuà ła baze łegałe che ła ne parmete de tratarli. I Dati tratài par adenpir a òblighi łegałi a che semo sojeti i sarà conservài fin a’l tenpo prevedesto da chełe norme. I Dati tratài par protèzar i nostri intaresi e cuełi de i nostri utiłizadori i sarà conservài fin a’l tenpo parmeso da ła normadiva itałiana a tuteła de i nostri intaresi (Art. 2946 còdeze siviłe itałian e drioman). Te połi dimandarne pì informasion sora de i criteri e parìodi de conservasion scrivéndoghe a privacy@labaruffaveneta.it.

Te połi senpre dimandar de:

• acédar a i to Dati: drio come che te ghè interazìo co nialtri (ez. traverso Sito, Pàzine Social o durante un Evento), nialtri te forniremo i Dati che gavemo so de ti cofà nome, conjome, età, Inderiso IP, inderiso e-mail o de spedision, prefarense esprimeste insenbre co’l testo de l’informadiva privacy che te ghè resevùo co te ne łi ghè fornìi;
• réndar portàbiłi i to Dati: se aplegàbiłe, te forniremo in formado excel na tabeła che ła ga rento i Dati che gavemo so de ti.
• retifegar i to Dati: par ezenpio, te połi dimandarne de modifegar l’e-mail, l’inderiso de spedision o el nùmaro de tełèfono che ne te ghè fornìo se no i ze coreti;
• łimitar el tratamento de i to Dati: se te cati che el tratamento da parte nostra par una de łe finałità dite sora el sie iłèsito e/o te cati che arcuante finałità conpìe co i to Dati so ła baze de’l nostro łezìtimo intarese no łe sie mìa oportune (ez. se te pensi che no gavarìsimo da mejorar i nostri Prodoti so ła baze de łe to interasion co nialtri, łimitaremo ’sta finałità ma mìa ła consenja de’l Prodoto steso);
• scansełar i to Dati: par ezenpio, se no te intendi pì doparar el nostro Sito o gaver interasion co nialtri e te dezìderi che i to Dati no i sie pì conservài. ’Sto derito no’l se àplega mìa se ła conservasion da parte nostra ła ze prevedesta da na łeze o par tutełarne in zudisio.
• azornar łe to prefarense par i tratamenti de i to Dati bazài so’l consenso: te połi senpre dimandarne de no inviarte comunegasion comersiałe e/o de no parsonałizar łe nostre comunegasion co anca i Contenjudi che i podarìa èsarte ùtiłi.

Te połi ezersitar tuti e onjun de i deriti diti sora scrivéndoghe a privacy@labaruffaveneta.it. I tenpi de resposta prevedesti da ła normadiva europèa a che semo sojeti i ze de 1 meze da ła to dimanda (estendìbiłi a altri 2 mezi in ipòteze de conplesità partegołare).

Te połi ezersitar i stesi deriti respeto a arcuanti tratamenti conpìi diretamente da Facebook so łe nostre Pàzine Social traverso de’l mòduło che’l se cata cuà.

Te połi senpre anca:

• apełarte a’l nostro departimento che’l se òcupa de ła protesion de i dati parsonałi scrivéndoghe a: privacy@labaruffaveneta.it o via posta a l’inderiso Via Primo Maggio 47 – 37059 S. Maria di Zevio (VR);
• apełarte a’l Garante par ła protesion de i dati parsonałi scrivéndoghe a: protocollo@gpdp.it;
• blocar autonomamente el mandar de comunegasion promosionałi clicando so’l link de deziscrision che te cati in coa a onjiuna de ’ste e-mail. ’Sta posibiłità no ła se àplega a łe e-mail de servisio (ez. cronpa o spedision de’l Prodoto e asistensa cołigà);
• inpostar łe to prefarense par i Dati rancurài da’l Browser e/o Dispozidivo clicando cuà, o traverso de ’ste guide Internet Explorer, Firefox, Chrome, Safari;
• blocar ła sconpartision de Informasion so ła to pozision azendo so’l parmeso che te ghe ghè concedesto a’l Browser. ’Sto bloco no l’inpatarà mìa so ła conservasion de l’inderiso che’l ne ze indespensàbiłe par ła consenja de’l Prodoto che te ghè cronpà.
• blocar el resevimento de Contenjudi che i podarìa èsarte ùtiłi traverso de’l servisio AdChoice o anca traverso de łe inpostasion privacy de i social media (se vizuałizài cuà);
• blocar łe Altre tecnołozìe trasadore eventualmente prezente inte łe comunegasion promosionałe (ez. pixel che’l ne parmete de capir se te ghè verto o łezesto l’e-mail) via e-mail inpedindo el descargamento conpleto de łe imàzine de l’e-mail. So Outlook par ezenpio el bloco el vien by design, fora che ti no te struchi “Descarga imàzine”.

Ła prezente informadiva ła spiega e ła ciapa rento i tratamenti che conpimo cofà Titołar de’l tratamento so’l nostro Sito, Pàzine Social e durante i nostri Eventi.

L’informadiva no ła coverze mìa i tratamenti conpìi da sojeti diversi da La Baruffa Veneta S.r.l. e in partegołar no ła coverze mìa:

• i tratamenti conpìi da sojeti tersi cofà Facebook rento de łe nostre Pàzine Social e indegài cuà;
• i tratamenti conpìi dopo de gaver clicà so i link prezenti so’l nostro Sito, Pàzine Social o inte łe e-mail ndove che no ła sie mìa reciamà l’informadiva cuà;
• i tratamenti da parte de i spedisionieri e łe sosietà de pagamento co che te te intarfasi autonomamente.

Respeto a łe dite ipòteze, no se ciapemo nesuna responsabiłità par via de tratamenti de i to Dati mìa coverti da l’informadiva cuà.

’Sta Informadiva ła ze in vigor da’l 31.10.2020 (m.v.). A se reservemo de modifegàrghene o senplisemente azornàrghene el contenjudo, in parte o conpletamente, anca par càuza de variasion de ła normadiva aplegàbiłe. Inte’l cazo de modìfeghe sostansiałe a l’informadiva, te resevarè un mesajo co’l primo ingreso so’l Sito o via e-mail.

Altre tecnołozìe trasadore: se intende i pixel tag (trasadori doparài insieme co i Cookie e metesti inte łe imàzine rento de’l Sito co’l scopo de trasar spesìfeghe atività, cofà łe vizuałizasion de Contenjudi che i podarìa èsarte ùtiłi o ła vertura de na e-mail) o Identifegadori Unìvochi metesti inte i link de comunegasion comersiałe che i ne manda informasion co i vien clicài.

Browser: A se intende el programa che te dòpari par acédar so Internet (ez. Safari, Chrome, Firefox evc.).

Conbinason e/o Incrozamento: A se trata de l’insieme de łe oparasion intieramente automatizàe e nò, co che conbinemo łe Informasion so ła to pozision, i Dati de interasion co’l nostro Sito e Pàzine Social, i Dati rancurài da Browser e/o Dispozidivo, i Dati de contato, rezistrasion e pagamento par zestir ła véndita de i Prodoti e ła reładiva asistensa, Mezurar l’apresamento de łe nostre atività, propónarte Contenjudi che i podarìa èsarte ùtiłi.

Condision Zenarałe: A se intende łe condision zenarałe de véndita de La Baruffa Veneta S.r.l. vàłide par i Prodoti vendùi traverso de’l Sito e consultàbiłe cuà: ____

Contenjudi che i podarìa èsarte ùtiłi: par ezenpio se te serchi Eventi o informasion so “Vicensa”, A podarìsimo farte vizuałizar so’l nostro Sito o so i social media o traverso de’l Programmatic Advertising altri contenjudi reładivi a ’sta sità. Ła parsonałizasion de i contenjudi ła podarìa èsar fata traverso de Conbinasion e/o Incrozamento de Dati.

Cookie: A se trata de un breve testo mandà so’l to Browser da’l nostro Sito. El ghe consente a’l Sito de memorizar informasion cofà el fato che te ghè vizità el Sito, ła to łengua e altre informasion. I Cookie i ze doparài par fini difarenti, par ezenpio, par rezistrar łe to prefarense respeto a’l dòparo i Cookie (cd. cookie tècneghi) , Mezurar l’apresamento de łe nostre atività o Parsonałizar łe nostre comunegasion, co anca i Contenjudi che i podarìa èsarte ùtiłi. Łe Informasion trazmese da i Cookie łe ze sojete a Conbinasion e/o Incrozamento co chełe de Altre tecnołozìe trasadore.

Dati Parsonałi: A se intende onji informasion che ła rende na parsona fìzega identifegà o identifegàbiłe. Par dir, A ze considarài cofà Dati Parsonałi l’inderiso IP, l’inderiso e-mail (se el reporta łe zenarałità de na parsona fìzega), el còdeze fiscałe, e i Identifegadori Unìvochi.

Dispozidivo: A se intende el Dispozidivo (ez. smartphone Apple, Samsung) da ndove che te vìziti el nostro Sito o Pàzine Social.

Eventi: A se trata de i eventi/showroom organizài da LBV o in cołaborasion co altre entità zurìdeghe (ez. Provinse, Rejon) co che LBV ła ga strenzesto acordi de cołaborasion.

Identifegadori Unìvochi: A se intende chełe informasion bone de identifegarte in modo unìvoco traverso de’l to Browser e/o Dispozidivo. So’l Browser, i ze considarài Identifegadori Unìvochi l’inderiso IP e i Cookie.

Inderiso IP: A se intende un nùmaro unìvoco doparà da’l Browser o Dispozidivo par conétarse so Internet. ’Sto nùmaro el vien zenarà da chi che’l te fornise el servisio de conesion a Internet e che’l parmete de identifegarte oltra a ti anca e mèdemo fornitor e/o l’area zeogràfega prosimada ndo’ che te si. A se trata de un dato sensa de che ti no te połi cołegarte so Internet che doparemo par farte vizuałizar el Sito ma anca par rancurar Informasion so ła to pozision e ofrirte Contenjudi che i podarìa èsarte ùtiłi.

Informasion Agregàe: łe ze informasion statìsteghe che łe te revarda ma che no łe ga mìa rento Dati Parsonałi tui. A doparemo ’ste informasion par Mezurar l’apresamento de łe nostre atività o e par crear report statìsteghi (ez. “a i nostri vizitatori A piaze de pì Venesia, o i Eventi inte na serta sità).

Pàzine Social: A se intende łe nostre pàzine ofisiałe so Instragram (https://www.instagram.com/labaruffaveneta/); Facebook (https://www.facebook.com/labaruffaveneta); el nostro canałe Youtube “La Baruffa Veneta” e i futuri social media che LBV ła vołarà vèrzar.

Prodoti: cołetivamente A se intende l’insenbro de i Prodoti vendùi so’l nostro Sito e regołài da łe Condision Zenarałe.

Programmatic Advertising: A se trata de piataforme bone de métar in sconpartision łe informasion che łe vien rancuràe so de ti cofà el to inderiso IP e i dati rancurài da Cookie e Altre tecnołozìe trasadore co sojeti che i ga intarese a mostrar Contenjudi che i podarìa èsarte ùtiłi. Inte’l nostro cazo, se te vizuałizi contenjudi so’l nostro Sito o Pàzine Social nialtri ghe dimandaremo a i partesipanti a’l Programmatic Advertising de poder vantar un spasio publisitario inte un de i siti che te vìziti par farte védar Contenjudi che i podarìa èsarte ùtiłi cofà i nostri Prodoti. So’l ponto, A ne ghemo caro restatuir che ła comunegasion de i to Dati a i partesipanti a’l Programatic Advertising ła se baza so’l to preventivo e spesìfego consenso rancurà co l’acetasion de’l banner prezente a ła to prima vìzita so’l nostro Sito o traverso de łe prefarense che te ghè inpostà so i social media. Se te vołi conósar come opónarte a ’sta comunegasion te połi vizitar el sito AdChoice.

Sito: A se intende www.labaruffaveneta.it.

Titołar de’l tratamento: A se intende ła parsona zurìdega, l’autorità pùblega, el servisio o altro organizmo che, singołarmente o insenbre co altri, el detèrmena łe finałità e i mezi de’l tratamento de i to Dati Parsonałi. Se te nàveghi so’l Sito, łe Pàzine Social, te cronpi Prodoti o te partèsipi a Eventi, el titołar de’l tratamento A semo tipegamente nialtri, La Baruffa Veneta S.r.l. (“LBV”).